वीरगञ्ज । जय ट्रफी एलिट कप बहुदिवसीय क्रिकेट प्रतियोगिता अन्तर्गत नेपाल पुलिस क्लबविरूद्धको उपाधि भिडन्तमा त्रिभुवन आर्मी क्लबका स्पिनर शाहब अलामले उत्कृष्ट बलिङ गरेका छन् ।

वीरगञ्जमा मंगलबार खेलको पहिलो दिन ८२-२ को स्थितिमा रहेको पुलिसविरूद्ध शाहबले बुधबार दोस्रो दिनको पहिलो सत्रमा सात विकेट लिए ।

शााहबले सात विकेट लिएसँगै पुलिसले पहिलो इनिङग्समा ९ विकेटको क्षतिमा १३३ रन बनाएर इनिङग्स समाप्तीको घोषणा गरेको छ ।

पुलिसका लागि कुशल भुर्तेलले ५१ रन र अर्जुन साउदले २८ रन जोडे भने अमृत श्रेष्ठले २० रन बनाए ।

बलिङमा आर्मीका शाहबले सात विकेट लिने क्रममा १२.४ ओभर बलिङ गर्दा ३ मेडन फ्याँके भने ३७ रन दिए ।

शाहबले जारी प्रतियोगितामा २८ विकेट लिइसकेका छन् । उनले पुलिसविरूद्धकै लिग चरणको खेलमा एकै इनिङग्समा ८ विकेट लिएका थिए । उनी जारी प्रतियोगितामा सर्वाधिक विकेट लिने बलरको शीर्ष स्थानमा छन् ।