काठमाडौं । भारतमा जारी खो खो विश्वकप अन्तर्गत महिलातर्फ नेपालले शानदार प्रदर्शन गर्दै क्‍वाटरफाइनलमा प्रवेश गरेको छ । नेपालले शतप्रतिशत जित निकालेर समूहविजेता बन्दै क्‍वाटरफाइनलमा प्रवेश गरेको हाे ।

नेपाल समूह सी मा सबै चार खेल जितेर समूह विजेताको रुपमा क्वाटरफाईनल पुगेको हो । बिहीबार भएको अन्तिम खेलमा बंगलादेशलाई ८४-२४ ले हराएर नेपाल समूह विजेता बनेको हो ।

खेलमा नेपालकी मानमती धामी उत्कृष्ट अट्याकर घोषित भइन् भने दीपा बिक उत्कृष्ट खेलाडी घोषित भइन् ।

नेपालले यसअघि भुटानलाई ९३-२४ ले पराजित गरेको थियो भने दोस्रो खेलमा जर्मनीलाई ७३-३४ ले पराजित गरेको थियो । त्यसैगरी श्रीलंकालाई ११०-१० ले पराजित गरेको थियो ।

पुरुषतर्फ पनि नेपाल क्वाटरफाईनल प्रवेश गरेको छ ।