पाेखरा । गण्डकी प्रदेशसभाको अधिवेशन माघ २१ गतेका लागि आह्वान भएको छ । गण्डकी प्रदेशका प्रमुख डिल्लीराज भट्टले नेपालको संविधानको धारा १८३ को उपधारा १ बमोजिम माघ २१ गते दिउँसाे २ बजेदेखि आरम्भ हुनेगरी अधिवेशनको आह्वान गर्नुभएको प्रदेश प्रमुखको कार्यालयले निकालेको विज्ञप्तिमा उल्लेख छ ।

यसैबीच बागमती प्रदेश सरकारले प्रदेशसभाको अधिवेशन माघ १८ गते शुक्रवारका लागि आह्वान गर्न सिफारिश गरेको छ । प्रदेश सरकारको आज बसेको मन्त्रिपरिषद् बैठकले माघ १८ गते बिहान ११ बजेका लागि प्रदेशसभाको १५औं अधिवेशन बैठक आह्वान गर्न प्रदेश प्रमुख दीपकप्रसाद देवकोटालाई सिफारिश गरेको हो ।

गएको असोज १६ गते प्रदेशसभाको १४औं अधिवेशन अन्त्य गरिएसँगै प्रदेशसभाको अर्को बैठक आह्वान हुन सकेको थिएन ।