काठमाडौं । टाइगर कप राष्ट्रिय तथा अन्तर्राष्ट्रिय क्लब च्याम्पियनशिपमा पुरुषतर्फ नेपाल पुलिस क्लब र त्रिभुवन आर्मी क्लब विजयी भएका छन् ।

पोखरा रङ्गशालाको भलिबल कोर्टमा भएको खेलमा पुलिसले गण्डकी प्रदेशलाई ३–२ काे सेटमा हरायाे । पुलिसले पहिलाे सेट २५–२२, दाेस्राे सेट २५–२१ र पाँचाैं सेट १५–१० जित्याे । गण्डकीले तेस्राे सेट २५–१९ र चाैथाे सेट २५–१४ ले जित्याे ।

यस्तै अर्काे खेलमा आर्मीले सशस्त्र प्रहरी बलको एपीएफ क्लबलाई ३–० को सोझो सेटमा हरायो । आर्मीले पहिलाे सेट २५–१८, दाेस्राे सेट २५–२३ र तेस्राे सेट २५–१५ ले जित्याे ।

आजै यसअघि भएका खेलमा महिलातर्फ आयोजक टाइगर ग्रुप अफ पोखराले त्रिभुवन आर्मी क्लबलाई ३–० काे साेझाे सेटमा हरायाे । यस्तै पुरुषतर्फ भारतको सुनिल भलिबल क्लबले साविक विजेता हेल्प नेपाल स्पोर्ट्स क्लबलाई ३–१ काे सेटमा हरायाे ।

पाँचौं संस्करणको प्रतियोगिता आउँदो शनिवार माघ १९ गतेसम्म चल्नेछ ।