काठमाडौं । अमेरिकाको इन्डियाना राज्यको किराना पसलमा गोली चल्दा ३ जनाको मृत्यु भएको छ भने २ जना प्रहरीहरु घाइते भएका छन् । एबिसीन्यूजका अनुसार घटना मार्टिनको बिशाल बजार (सुपर मार्केट)मा साँझ भएको हो ।

गत सोमबार इन्डियानामा किराना पसल भित्र दुई जनाको गोली हानी हत्या गरिएको अधिकारीहरूले एबीसी न्यूजलाई बताएका छन् ।

एल्कहार्ट प्रहरी विभागका अनुसार इन्डियानाको एल्कहार्टमा रहेको मार्टिन सुपर मार्केट अर्थात् बिशाल बजारमा साँझ ५:३० बजे घटना भएको थियो ।

प्रहरी अधिकारीहरू र पहिलो प्रतिक्रियाकर्ताहरूलाई पसल भित्र रहेका दुई जनालाई गोली लागेको बताईएको थियो । प्रहरीद्वारा सोमबार राति जारी गरिएको विज्ञप्तिमा यी दुवै व्यक्तिहरूलाई घटनास्थलमै मृत घोषित गरिएको छ ।

त्यसपछि प्रहरीले पसल बाहिर गोली चलाउने संदिग्ध र प्रहरी बीच गोली हानाहान भएको अधिकारीहरूले बताए । गोली हानाहान भयो र संदिग्ध मारिएको प्रहरीले बताए ।

दुई प्रहरी अधिकारीहरूलाई गोली लागेको र उनीहरूको अवस्था स्थिर रहेको ईपिडीले पुष्टि गरेको छ । दुवै प्रहरी अधिकारीहरूलाई स्थानीय अस्पतालमा ल्याइएको थियो ।

पीडित, संदिग्ध र संलग्न अधिकारीहरूको नाम गोप्य राखिएको एबिसीन्यूजले जनाएको छ ।