अध्यादेश अस्वीकृतको प्रस्तावकर्तालाई पाँच र समर्थकलाई तीन मिनेट बोल्न पाउने

अध्यादेश अस्वीकृतको प्रस्तावकर्तालाई पाँच र समर्थकलाई तीन मिनेट बोल्न पाउने



काठमाडौं । प्रतिनिधि सभामा अध्यादेश अस्वीकृतको प्रस्तावकर्ताले पाँच मिनेट र समर्थकले तीन मिनेट बोल्न पाउने भएका छन् ।

बुधबार सभामुख देवराज घिमिरेको कार्यकक्षमा बसेको प्रमुख दलका प्रमुख सचेतक र सचेतकहरूसँगको छलफलमा यस्तो सहमति भएको हो ।

छलफलपछि कानुनमन्त्री कानुन न्याय तथा संसदीय मामिलामन्त्री अजयकुमार चौरसियाले पत्रकारहरूसँग कुरा गर्दै अध्यादेश अस्वीकृतको प्रस्तावकर्तालाई पाँच मिनेट र समर्थकलाई तीन मिनेट बोल्न दिने तय भएको जानकारी दिएका हुन् ।

प्रतिनिधि सभामा पेश भएका ६ वटा अध्यादेश उपर ५० वटा अस्वीकृतको सूचना दर्ता भएका छन् ।