काठमाडौं । पूर्वराजा ज्ञानेन्द्र शाह बस्ने निर्मल निवासले जरिवानाको पत्र बुझ्न नमानेपछि काठमाडौं महानगरले हुलाकमार्फत पठाएको छ ।

महानगर प्रहरी बल राजु पाण्डेले ज्ञानेन्द्र शाहको जरिवाना पत्र आइतबार दिउँसो हुलाकमार्फत पठाएको जानकारी दिए । उनले जरिवानाको पत्र बुझ्न निर्मल निवासले टोलीलाई भित्र जानै नदिएपछि त्यहाँबाट फर्केर टोलीले हुलाक मार्फत पत्र पठाएको बताए ।

महानगरले गत शुक्रवार तीनकुने क्षेत्रमा भएको घटनामा विभिन्न ९ वटा शीर्षकमा ८ वटा पत्र लेख्दै पूर्वराजा शाहलाई ७ लाख ९३ हजार जरिवाना गराएको छ ।