काठमाडौं । राप्रपाका वरिष्ठ उपाध्यक्ष रवीन्द्र मिश्र र महामन्त्री धवलशम्शेर राणासहित पक्राउ परेकाहरूलाई प्रहरीले जिल्ला अदालत काठमाडौंमा पेस गरेको छ । शुक्रवार भएको तीनकुने घटनामा प्रहरीले नियन्त्रणमा लिएका उनीहरूलाई जिल्ला अदालतमा लगेको हो ।

राजावादी आन्दोलनमा तोडफोड, आगजनी र लुटपाटका घटनामा जिम्मेवार रहेका उनीहरुलाई त्यसअघि सरकारी वकिलको कार्यालयमा म्याद थपको प्रक्रिया पुर्‍याउनका लागि लगिएको थियो ।

थुनुवाको पोशाकमा रहेका रवीन्द्र मिश्र, दुर्गा प्रसाईँको अभियानका आरटीएफ कमाण्डर मुनिन्द्र राजभण्डारी, सन्तोष राजावादीलगायतलाई हतकडी लगाइएको छ ।

धवलशमसेर जबरालाई भने बेग्लै गाडीमा हतकडी नलगाई अदालतमा उपस्थित गराइएको छ ।