काठमाडौं । शेयर बजार आज उच्च अंकले बढेको छ । शेयर बजार परिसूचक नेप्से आज ६२ दशमलव २५ अङ्कले बढेर २ हजार ६ सय ७३ दशमलव ६९ विन्दुमा पुगेको छ ।

आज सबै समूहको शेयर बढेकोमा फाइनान्स समूहको शेयर झन्डै साढे ५ प्रतिशत, जलविद्युत् समूहको शेयर ३ प्रतिशतभन्दा धेरैले उकालो लागेको छ ।

आज नेप्सेसँगै कारोबार रकम पनि बढेको छ । हिजो ८ अर्ब ७४ करोडको कारोबार भएकोमा आज ३ सय ८ वटा कम्पनीका २ करोड ७२ लाख कित्ता शेयर १० अर्ब ५१ करोड रुपैयाँमा किनबेच भएको छ ।