विराटनगर । नेपाली कांग्रेस कोसी संसदीय दलका नेता उद्धव थापाले सदनमा उभिएर राजा चाहियो भन्न नपाइने बताएका छन् ।

आइतबार कोसी प्रदेशसभाको बैठकमा थापाले संविधान मानेर सदनमा आउने अनि राजा चाहियो भन्नु गलत भएको बताए । उनले भने, “त्यो भन्न पाइँदैन । सदनमा बसेर राजा चाहियो भन्नु व्यावहारिक रूपमा ठिक भएन । कि त बाहिर जानुपर्‍यो । हिजो राजा हुँदा हामी सबै छाडेर सडकमा गएकै हो ।”

उनले अघिल्लो आर्थिक वर्षको बजेट तीनवटा निर्वाचन क्षेत्रभन्दा बाहिर नगएको बताउँदै उनले आउने बजेट अन्यायपूर्ण नहुने बताए । उनले भने, “कांग्रेसले त्यो तयारी गर्छ । सबै सांसदको गरिमा, गौरव र प्रतिष्ठा रहने गरी बजेट आउने दाबी गरे । पहिले ५० लाख दिन्छु भनेर पाँच रुपैयाँ पनि नदिने काम भयो, अब त्यो हुँदैन । सांसदको इज्जत रहने गरीको बजेट आउँछ ।”

उनले कांग्रेस र एमाले मिलेर सरकार बनाउनु गलत नहुने बताउँदै मिल्नै नहुने भन्ने कतै नभएको सुनाए ।