लमजुङ । पहिरोले अवरुद्ध बेँसीसहर–चामे सडक सञ्चालनमा आएको छ । मनाङको नासोँ गाउँपालिका–१, तालडाँडामा शुक्रबार बिहान दुई वटा ठूला ढुंगासहित पहिरो जाँदा सडक अवरुद्ध भएको थियो ।

डुम्रे–बेँसीसहर–चामे सडक आयोजनाका सूचना अधिकारी नवीन विष्टका अनुसार, सडकमाथिदेखि करिब २० मिटर सडक ओगट्ने गरी सुक्खा पहिरोले गएको थियो । सडक खुलाएसँगै यात्रुहरू गन्तव्यमा जान थालेका छन् ।

यसअघि बिहीबारसमेत यस सडकखण्डको लमजुङ मर्स्याङ्दी गाउँपालिका–४ मा सडक अवरुद्ध भएकामा रातिदेखि पुनः सञ्चालनमा आएको थियो ।