काठमाडौं । एसीसी १९ वर्षमुनिको एशिया कप क्रिकेटको आफ्नो दाेस्राे खेलमा नेपाल बंगलादेशसँग १ सय ३० रनमा अलआउट भएको छ ।

संयुक्त अरब इमिरेट्स (यूएई) को सेभेन्स स्टेडियममा टस हारेर ब्याटिङ गरेको नेपालले ३१ ओभर १ बलमा १ सय ३० रन बनाउँदा सबै विकेट गुमायो । नेपालका अभिषेक तिवारीले सबैभन्दा धेरै ३० रन बनाए ।

यस्तै आशिष लुहारले २३, शाहिल पटेलले १८, निरकुमारले १४ रन बनाउँदा अन्य खेलाडीले दाेहाेराे अङ्कमा रन जाेड्न सकेनन् । बंगलादेशका एमडी सबुजले ३ विकेट लिए ।

नेपाल पहिलाे खेलमा श्रीलङ्कासँग ८ विकेटले पराजित भएकाे थियाे । अब नेपालले लिग चरणकाे तेस्राे तथा अन्तिम खेलमा पर्सि अफगानिस्तानसँग खेल्नेछ ।

एसीसी १९ वर्षमुनिकाे एशिया कप क्रिकेटको समूह ‘ए’ मा भारत, पाकिस्तान, यूएई र मलेशिया तथा समूह ‘बी’ मा नेपाल, अफगानिस्तान, बङ्गलादेश र श्रीलङ्का रहेका छन् ।

दुवै समूहबाट शीर्ष दुई रहने टोली सेमिफाइनलमा पुग्नेछ । फाइनल खेल आउँदो पुस ६ गते हुनेछ ।