काठमाडौं । नेकपा एमालेको ११औँ राष्ट्रिय महाधिवेशनमा कर्णालीबाट स्थायी कमिटी सदस्यसमेत रहेका मुख्यमन्त्री यामलाल कँडेलले सचिव पदमा मनोनयन दर्ता गराएका छन् ।

कँडेलको प्रस्तावकमा एमाले कर्णाली प्रदेश अध्यक्ष गुलाबजंग शाह र एमाले सुर्खेत जिल्ला अध्यक्ष कुलमणि देवकोटा समर्थक छन् ।

कँडेल २०७८ मंसिरमा सम्पन्न १०औँ राष्ट्रिय महाधिवेशनमा पनि सचिव पदका दाबेदार थिए । तर, अन्तिममा उनी केन्द्रीय पदाधिकारीमा अटाएनन् ।