काठमाडौं । अर्जेन्टिनी फरवार्ड लियोनल मेसीलाई अन्तर्राष्ट्रिय क्रिकेट काउन्सिल (आईसीसी)ले भारत र श्रीलंकामा हुने ट्वान्टी–२० विश्वकप हेर्न निमन्त्रणा गरेको छ ।

विश्व क्रिकेटको सर्वोच्च निकाय आईसीसीका अध्यक्ष जय शाहले सोमबार भारत भ्रमणमा रहेका मेसीसँगै अर्जेन्टिनी मिडफिल्डर रोड्रिगो डी पल र उरुग्वेका फरवार्ड लुइस स्वारेजलाई विश्वकप हेर्न निम्तो दिएका हुन् ।

अध्यक्ष शाहले यी तीन खेलाडीलाई विश्वकपअन्तर्गत भारत र अमेरिकाबीच (२०२६ फेब्रुअरी ७) हुने खेल हेर्न निमन्त्रणा गरेका भारतीय सञ्चारमाध्यमले जनाएका छन् ।