बुटवल । रञ्जिता श्रेष्ठ नेतृत्वको नागरिक उन्मुक्ति पार्टी (नाउपा) रुपन्देहीका अध्यक्षसहित ३३ जनाले सामूहिक राजीनामा दिएका छन् ।

अध्यक्ष तुल्सी थारूले पछिल्लो समय पार्टीको नेतृत्व तहबाट गरिएका कतिपय निर्णय, कार्यशैली र संगठन सञ्चालनको प्रक्रियामा गम्भीर असहमति जनाउँदै राजीनामा दिएको बताए ।

यही पुस १९ गतेदेखि लागु हुने गरी पार्टीको सम्पूर्ण जिम्मेवारीसहित साधारण सदस्यबाट समेत राजीनामा दिएको उनले जानकारी गराए ।

सोमबार नाउपाका पूर्वपदाधिकारी र थरूहट/थारूवान संयुक्त संघर्ष समितिसहित आफूहरू रास्वपामा समाहित हुने उनले बताए ।