काठमाडौं । गृह मन्त्रालयले सामाजिक सद्भाव र मर्यादामा आँच पुर्‍याउने कार्य गरे कारबाहीको दायरामा ल्याउने चेतावनी दिएको छ ।

पछिल्लो समय तराई एवम् मधेसका केही जिल्लाहरूमा धार्मिक सहिष्णुता तथा सद्भावमा गम्भीर असर पर्ने गरी केही व्यक्तिले सामाजिक सञ्जालको प्रयोग गरी कानुनले निषेध गरेका द्वेषपूर्ण एवम् भ्रामक अभिव्यक्ति दिएको भन्दै मन्त्रालयले यस्तो जनाएको हो ।

“सामाजिक सद्भाव र मर्यादामा आँच पुर्‍याउनुका साथै सार्वजनिक शान्ति सुव्यवस्थामा नै खलल पु-याउने किसिमका घटनाप्रति मन्त्रालयको गम्भीर ध्यानाकर्षण भएको छ,” मन्त्रालयले भनेको छ ।