विराटनगर । नेपाली कांग्रेसले कोशी प्रदेशका १२ निर्वाचन क्षेत्रको उम्मेदवार टुंगो लगाएको छ । पार्टीले हिमाली र पहाडी जिल्लाका उम्मेदवारको टुंगो पहिलो चरणमा लगाएको छ ।

कांग्रेसले धनकुटामा जिल्ला सभापति दिनेश राई, तेह्रथुममा कांग्रेस जिल्ला सचिव सन्तोष सुब्बा, पाँचथरमा नरेन्द्र केरुङ, ताप्लेजुङमा गजेन्द्र तुम्याहाङले टिकट पाएका छन् । कांग्रेसले इलाम-१ मा निष्कल राई, इलाम-२ मा भने पुराना नेता भेषराज आचार्यलाई उम्मेदवार बनाएको छ ।

यस्तै उदयपुर-१ मा विदुर बस्नेत, उदयपुर-२ मा रामकुमार राई, खोटाङमा वीरकाजी राईलाई उम्मेदवार बनाउँदा ओखलढुंगामा रामहरि खतिवडा उम्मेदवार बनेका छन् । सोलुखुम्बुमा प्रकाशजंग कार्कीलाई उम्मेदवार बनाउँदा मोरङ-३ मा सुनिल शर्माले टिकट पाएका छन् ।

अब कांग्रेसले कोशी प्रदेशका १६ क्षेत्रको उम्मेदवार कांग्रेसले टुंगो लगाउन बाँकी छ ।