काठामाडौं । शुक्रबारसम्म निर्वाचन आयोगमा ४३ राजनीतिक दलले मात्र घोषणापत्र बुझाएका छन् । निर्वाचन आयोगको राजनीतिक दल शाखाका अनुसार चुनावी मैदानमा प्रत्यक्षतर्फ ६१ दलका उम्मेदवार ५६ वटा चुनाव चिह्नबाट मैदानमा छन् ।

घोषणापत्र सार्वजनिक गरी आयोगमा बुझाएर मात्र चुनावी प्रचारमा जान दलहरूलाई आयोगले ३ फागुनको समय दिएको थियो । त्यस्तै ४ फागुनबाट १८ फागुनसम्म प्रचारप्रसारको समय दिइएको थियो ।

निर्वाचन आचारसंहितामा दल र उम्मेदवारले घोषणापत्र बुझाउनुपर्ने उल्लेख भए पनि त्यसलाई अटेर गर्ने प्रवृत्ति निरन्तर देखिएको छ ।