काठमाडौं । नेपाल सुपर लिग एनएसएल फुटबलमा अपराजित यात्रा कायम राख्दै धनगढी एफसी शीर्ष स्थानमा उक्लिएको छ ।

बिहीवार त्रिपुरेश्वरकाे दशरथ रङ्गशालमा सिजन लगातार ५ खेलमा अपराजित रहेको धनगढीले दशरथ रंगशालामा एफसी चितवनलाई १-० ले हरायो ।

धनगढीका अफिज ओलावालेले खेलकाे दाेस्राे मिनेटमा गरेकाे गाेल नै निर्णायक भयाे । चितवनले खेलकाे पहिलाे हाफकाे इन्ज्युरी समयकाे चाैथाे मिनेटमा पेनाल्टीकाे अवसर भए पनि विमल घर्तीमगरले गाेल गर्न सकेनन् ।

याे जितसँगै शीर्ष स्थानमा रहेकाे धनगढीले ५ खेलमा ११ अङ्क जाेडेकाे छ । दोस्रो स्थानमा रहेको ललितपुर सिटीको ५ खेलबाटै ९ अंक छ । चितवन ६ खेलमा ५ अङ्कसहित तालिकाकाे ७ औँ स्थानमा छ ।