काठमाडौं । विराटनगर विमानस्थलको रनवेमा कुकुर छिरेपछि केही समय उडान–अवतरण प्रभावित भएको छ । आज बुधबार दिउँसो एक्कासी रनवेमा एउटा कुकुर देखिएपछि उडान–अवतरण प्रभावित भएको एक कर्मचारीले जानकारी दिएका छन् । कुकुर देखिएपछि केही समय उडान अवतरण रोकिएको थियो ।

रवेमा देखिएको कुकुर लखेट्न विमानस्थलले साइरनसहितको गाडी प्रयोग भएको थियो । गाडीले पछ्याउँदा कुकुर रनवे वरिपरि भागिरह्यो । करिब १५ मिनेटको प्रयासपछि मात्रै कुकुरलाई विमानस्थलबाट बाहिर निकालिएको थियो ।

कुकुर लखेट्न समय लागेपछि बुधबार दिउँसो बुद्ध एयरको विमान केही समय आकाशमै होल्ड गरिएको थियो । विमानस्थलको टर्मिनल भवनको पश्चिमतर्फ देखिएको कुकुर कताबाट रनवेमा प्रवेश ग¥यो भन्ने नखुलेको विराटनगर विमानस्थलका प्रवक्ता युवराज भण्डारीले जानकारी दिएका छन । कुकुर देखिएपछि तुरुन्तै निकालिएको बताउँदै उनले उडान अवतरणमा प्रभाव नपरेको उनले जानकारी दिएका छन ।