काठमाडौं । नेपाल ‘ए’ ले आयरल्यान्डविरुद्ध ठोस सुरुवात गरेको छ । टस जितेर फिल्डिङ रोजेको नेपालले ९ ओभरको खेल सकिँदा आयरल्याण्ड ‘ए’ का ५ खेलाडीलाई पबेलियन फर्किसकेका छन् । साहब आलामलले तीन ओभरमा ३ विकेट लिए भने रिजन ढकालको नाममा एक विकेट रहेका छन् । आयरल्यान्डका ओपनर जेम्स म्याकुलम रनआउट भए ।

आलमले मात्र ८ रन खर्चेका छन् भने ढकालले ११ रन दिएका छन् । शृङ्खलाको पहिलो खेलमा आयरल्याण्ड ‘ए’ २१ रनले विजयी भएको थियो । यसअघि भएको टी–२० शृङ्खलामा आयरल्याण्ड ‘ए’ नेपाल ‘ए’ माथि २–१ को जित निकालेर प्रतियोगितामा कब्जा जमाएको थियो ।