काठमाडौं । नेपाली राष्ट्रिय टोलीका कप्तान रोहितकुमार पौडेल आबद्ध टोरन्टो नेसनल ग्लोबल टी–२० क्यानाडाको फाइनलमा प्रवेश गरेको छ । ब्राम्पटन उल्भ्सलाई पाँच विकेटले पराजित गर्दै टोरन्टो उपाधि नजिक पुगेको हो ।

यो खेलमा रोहित भने सहभागी थिएनन् । ब्राम्पटनले दिएको एक सय ४१ रनको लक्ष्य पछ्याएको टोरन्टोले १० बल बाँकी रहँदै पाँच विकेट गुमाउँदै एक सय ४३ रन बनायो । अगष्ट २४ मा हुने फाइनलमा टोरन्टोले मन्ट्रियल टाइगर्ससँग खेल्नेछ ।