काठमाडौं । एन्फा महिला लिग फुटबलमा स्याङ्जाको वालिङ नगरपालिकाले संकटा क्लबलाई हराएको छ ।

ललितपुरको सातदोबाटोमा रहेको एन्फा कम्प्लेक्सको मैदानमा आज भएको खेलमा वालिङले संकटालाई १–० गोलले हरायो । वालिङका लागि सिसी नानटोङ्गोले गोल गरिन् । यो जीतसँगै वालिङ ३ खेलमा ६ अंकसहित तालिकाको तेस्रो स्थानमा छ । सङ्कटा ३ खेलमा १ अंकसहित आठौं स्थानमा छ ।

प्रतियोगितामा आजै दोस्रो खेलमा अहिले दिउँसो सवा ४ बजे रौतहटको चन्द्रपुर नगरपालिका र सशस्त्र प्रहरी बलको एपीएफ क्लब खेल्दैछन् । अखिल नेपाल फुटबल सङ्घ (एन्फा) को आयोजना भइरहेको लिगमा १० वटा टोली सहभागी छन् ।