काठमाडौं । एन्फा महिला लिगमा उच्च लयमा देखिएको कोशी प्रदेशलाई विभागीय टोली नेपाल पुलिस क्लबको नमिठो झट्का लागेको छ ।

ललितपुरको सातदोवाटोस्थित एन्फा मैदानमा बुधबार भएको खेलमा पुलिसले कोशीलाई ४–० गोलले हरायो । पुलिसको जितमा अनुष्का शेर्पाले २४औँ, निर्मला उपाध्यायले ४६औँ, सम्झना लावतीले ७९औँ र अमृता जैसीले ८८औँ मिनेटमा गोल गरिन् ।

जितसँगै पुलिस शीर्षस्थानमा उक्लिएको छ । पुलिसको चार खेलबाट १० अंक पुगेको छ । समान खेलबाट नौ अंक बनाएको कोशी दोस्रो स्थानमा झरेको छ ।