काठमाडौं । अमेरिकाको राष्ट्रपतिमा निर्वाचित डोनाल्ड ट्रम्पले राष्ट्रपतिको कार्यालय ह्वाइट हाउसका महत्त्वपूर्ण पदमा नियुक्ति गर्न थालेका छन् । उनले आफ्नो चुनावी अभियानकी वरिष्ठ सल्लाहकार सुजी वाइल्सलाई ‘चीफ अफ स्टाफ’ मा नियुक्त गरेका छन् ।

अमेरिकाको इतिहासमा ‘चीफ अफ स्टाफ’ पदमा पुग्ने वाइल्स प्रथम महिला हुन् । उनले ह्वाइट हाउसमा प्रमुख नीति र दैनिक गतिविधि हेर्ने भूमिका निभाउने बीबीसीको खबरमा उल्लेख छ ।

राष्ट्रपतिको सचिवालयका कर्मचारीको नेतृत्व पनि ‘चीफ अफ स्टाफ’ ले नै गर्छन् । वर्तमान राष्ट्रपति जो बाइडेनको कार्यकाल अब ७५ दिन बाँकी छ ।

गएको मङ्गलवार भएको चुनावमा डोनाल्ड ट्रम्प दोस्रोपटक अमेरिकाको राष्ट्रपतिमा चुनिए । साथै उपराष्ट्रपतिमा रिपब्लिकन पार्टीकै जे.डी. भान्स निर्वाचित भएका छन् ।