काठमाडौं । इंग्ल्याण्डका अलराउन्डर ड्यान डाउथवेटले नेपाल प्रिमियर लिग (एनपिएल) खेल्ने भएका छन् । उनले पहिलो संस्करणको एनपिएल काठमाडौं गुर्खाजबाट एनपिएल खेल्ने भएका हुन् ।

काठमाडौं गुर्खाजका प्रमुख कार्यकारी अधिकृत सन्देश कटवालले डाउथवेटको आगमनमा खुसी व्यक्त गरेका छन् ।

काठमाडौंमा आबद्ध भएपछि डाउथवेट पनि उत्साहित छन् । ‘काठमाडौं गुर्खाजमा सामेल हुन पाउँदा म धेरै गर्व महसुस गरिरहेको छु । म टोली र प्रशंसकहरूको लागि आफ्नो उत्कृष्ट प्रदर्शन गर्न प्रतिबद्ध छु र नेपालमा हुने यस रोमाञ्चक यात्रा आरम्भ गर्न आतुर छु । यो सिजनलाई अविस्मरणीय बनाऔँ,’ उनले भनेका छन् ।

विदेशी खेलाडीका रूपमा उनी चौथो खेलाडी हुन् । काठमाडौंले यसअघि नेदरल्याण्ड्सका ओपनर माइकल लेभिट, नामिबियाका कप्तान गेहार्ड इरास्मस र इंग्ल्यान्डका स्टीभी सीन एस्किनाजीलाई अनुबन्ध गरिसकेको छ ।

काठमाडौंमा ‘मार्की प्लेयर’ को रूपमा करण केसी रहेका छन् । एनपिएलको पहिलो सिजन आउँदो १५ मंसिरदेखि काठमाडौंमा आयोजना हुँदैछ ।