नुवाकोट । नुवाकोटको ककनी गाउँपालिका–३ चाउथेमा एक महिलालाई अमानवीय व्यवहार गरेको कसुरमा एकै परिवारका चार जनाविरुद्ध प्रहरीले अनुसन्धान सुरु गरेको छ ।

चाउथेकी कल्पना अधिकारी बजगाईलाई अमानवीय व्यवहार गर्दै तातोपानी समेत खन्याएको आरोप लागेपछि चार जनाविरुद्ध अनुसन्धान सुरु गरीएको जिल्ला प्रहरी कार्यलय नुवाकोटले जानकारी दिएको छ ।

घटना गएको १५ कात्तिकको हो । आफूमाथि तातोपानी खन्याएको भन्दै बुहारी कल्पनाले श्रीमान, सासु सीता बजगाईं, ससुरा रामहरि बजगाई र देउरानीविरुद्ध प्रहरीमा जाहेरी दिएकी थिइन् ।

त्यस आधारमा अहिले उनका श्रीमान सिजन बजगाईं र सासु सीतालाई नियन्त्रणमा लिएर अनुसन्धान अघि बढाइएको नुवाकोटका डीएसपी तथा प्रवक्ता तिलक भारतीले जानकारी दिएका छन ।