विराटनगर । मोरङको ग्रामथान गाउँपालिकाको अध्यक्ष पदमा हुन लागेको स्थानीय तह उपनिर्वाचनका लागि १६ जनाले मनोनयन दर्ता गराएका छन् । निर्वाचन आयोगको कार्यालयले सार्वजनिक गरेको विवरण अनुसार नेपाली कांग्रेस, नेकपा एमाले, माओवादी केन्द्रसहित १५ पार्टी र एक जना स्वतन्त्रले उम्मेदवारी दर्ता गराएका हुन् ।

एमालेबाट तुलसीराम विश्वास, कांग्रेसबाट बलराम सरदार थारु, माओवादी केन्द्रबाट नमोनारायण माझी, रास्वपाबाट नविन कुमार विश्वास खवास, राप्रपाबाट दिनेशकुमार थन्दार, एकीकृत समाजवादीबाट दिलबहादुर विश्वकर्मा, जसपाबाट धर्मेन्द्रकुमार चौधरी, नेपाल मजदुर किसान पार्टीबाट पर्शुराम विश्वास थारु, मंगोल नेशनल अर्गनाइजेसनबाट भरत राई, राप्रपा नेपालबाट राजु मुसहर, नेपाल समाजवादी पार्टीबाट रामकुमार चौधरी (थारु), जनमत पार्टीबाट विनोदकुमार माझी, नागरिक उन्मुक्ति पार्टीबाट बुद्धिचन विश्वास थारु, समावेशी समाजवादी पार्टी नेपालबाट बोध नारायण माझी र जसपाबाट सुरेशकुमार राजवंशीले उम्मेदवारी दिएका हुन् ।

ग्रामथान ५ का नमनारायण चौधरीले भने स्वतन्त्र उम्मेदवारी दिएका छन् ।