सुर्खेत । हुम्लाको सर्केगाड गाउँपालिकाको उपाध्यक्ष पदका लागि भएको निर्वाचनको मतगणनामा पछिल्लो मत परिणामअनुसार २२६८ मत गणना गर्दा माओवादी केन्द्रकी उम्मेदवार देवकी तिमिल्सिनाले ९०० मतसहित अग्रता लिइरहेकी छन् ।

उनलाई नेपाली कांग्रेसका उम्मेदवार सविता बुढाले ६८९ मत ल्याएर पच्छ्याइरहेकी छन् भने एमालेका उम्मेदवार जाना शाहीले अहिले ५९१ मत प्राप्त गरेकी छन् । त्यस्तै राप्रपाका उम्मेदवारले ३४ र रास्वपाका उम्मेदवारले ८ मत ल्याएका छन् भने ३९ मत बदर भएको छ । सो गाउँपालिकामा अब २२५६ मत गणना गर्न बाँकी रहेको छ ।