काठमाडौं । अमेरिकी क्रिकेटर आन्द्रेस गाैस नेपाल प्रिमियर लिग (एनपीएल) क्रिकेटमा शतक बनाउने पहिलाे खेलाडी बनेका छन् ।

लुम्बिनी लायन्ससँगकाे खेलमा पाेखरा एभेन्जर्सका ओपनर ब्याटर आन्द्रेस गाैसले याे उपलब्धि हासिल गरेका हुन् । उनले ५५ बलमा १२ चौका र पाँच छक्काको सहयोगमा अविजित एक सय चार रन बनाए ।

जितका लागि एक सय ७१ रनको चुनौती पूर्ण लक्ष्य पोखराले १६.५ ओभरमा विनाविकेटको क्षतिमा लक्ष्य पूरा गर्याे । यस्तै ओपन दीनेशले अविजित ६१ रन बनाए । उनले ४६ बलमा चार चौका र चार नै छक्का हाने । एन्ड्रिस र दीनेशको यो सर्वाधिक एक सय ७६ को पाटनरसिप हो ।

कीर्तिपुरको त्रिवि क्रिकेट मैदानमा टस जितेर ब्याटिङ गरेको लुम्बिनीले २० ओभरमा ५ विकेट गुमाएर १ सय ७० रन बनाएकाे थियाे ।

आन्द्रेस गाैस एनपीएलमा सबैभन्दा कम बलमा अर्धशतक बनाउने खेलाडी पनि बनेका छन् । उनले २० बलमा ४ छक्का र ५ चाैका प्रहार गर्दै अर्धशतक बनाएका हुन् । यसअघि सुदूरपश्चिम राेल्यसका कप्तान दीपेन्द्रसिंह ऐरीले विराटनगर किङ्ग्ससँगकाे खेलमा २३ बलमा अर्धशतक बनाएका थिए ।