दाङ । दाङको तुलसीपुरमा मोटरसाइकल दुर्घटनामा २ युवकको मृत्यु भएको छ । लु.प्र–०२–००१प१७१७ नम्बरको तीनजना सवार मोटरसाइकल तुलसीपुर उपमहानगरपालिका–४ मा गत आइतबार दुर्घटना भएको थियो ।

दुर्घटनामा गम्भीर घाइते भएका १८ वर्षीय सन्दीप वलीको नेपालगन्ज नर्सिङ होममा उपचारका क्रममा बुधबार बिहान मृत्यु भएको हो ।

इलाका प्रहरी कार्यलय तुलसीपुरका निरीक्षक प्रकाश थापाका अनुसार मोटरसाइकल चालक १७ वर्षीय गणेश खड्काको तुलसीपुर सिटी असपतालमा उपचार भइरहेको छ । मोटरसाइकलमा सवार १६ वर्षीय दीपेन्द्र वलीको तत्काल घटनास्थलमै मृत्यु भएको थियो ।