काठमाडौं । जय ट्रफी मेन्स एलिट कप २०८१ अन्तर्गत बुधबार तेस्रो खेलमा नेपाल पुलिस र मधेश प्रदेशबीच खेल भइरहेको छ ।

पर्सामा भइरहेको पहिलो दिनको खेलमा मधेशका मयन यादवले अर्धशतक प्रहार गरेका छन् । मयनले ७९ बल खेल्दै चार चौका र दुई छक्काको मद्दतले अर्धशतक बनाए । उनले यसअघि बागमतीसँगको खेलमा शतक बनाएका थिए ।

खेलमा टस हारेर पहिले ब्याटिङको निम्तो पाएको मधेशले ३३.२ ओभरमा ६ विकेटको क्षतिमा १०८ रन बनाएको छ । निरज यादव २९ तथा कप्तान हरिशंकर साह ९ रनमा आउट भएका थिए ।

पहिलो खेलमा मधेशले बागमतीसँग ड्र खेलेको थियो भने पुलिसले आर्मीसँग ड्र खेलेको थियो ।