काठमाडौं । अमेरिकाको भर्जिनियामा कार दुर्घटना हुँदा दुई जना नेपालीको ज्यान गएको छ ।

स्थानीय समय अनुसार हिजो बिहान भर्जिनियाको स्यान्टिल्ली भन्ने ठाउँमा रहेको एक होटलमा हिउँमा चिप्लिएर कार दुर्घटना हुँदा ५५ वर्षीय कर्ण खड्का र २० वर्षका निश्चल भट्टको ज्यान गएको हो ।

एनबीसी वाशिङ्गटन डटकमका अनुसार खड्काले त्यही होटलमा काम गर्ने र भट्टलाई होटलमा काम लगाइदिने भनेर बोलाएका थिए ।

जनवरी ९ बिहीबार बिहान होटल बाहिरको पोखरीमा कार डुबेको अवस्थामा फेला परेको थियो । सोही स्थानमा दुई शव फेला परेका थिए । सोही शवको पहिचान खुल्दा नेपाली रहेको पुष्टि भएको हो ।

कार आंशिक रूपमा हिउँ जमेको पानीमा डुब्दा खड्का र भट्ट भित्र फसेका थिए ।