दक्षिणी गाजामा सहायता सामग्री वितरण केन्द्रमा भागदौड हुँदा २४ जनाको मृत्यु भएको छ । सहायता वितरण केन्द्रमा ठूलो भीड र अव्यवस्थित परिस्थितिका बीच खानेकुरा लिने प्रयास गर्ने क्रममा २० जनाको ज्यान गएको हो । भीडमा किचिएर २३ जनाको मृत्यु भएको हो भने एक जनाको छुरा प्रहारबाट हत्या भएको गाजा मानवीय सहायता केन्द्रले जनाएको छ ।

अन्तर्राष्ट्रिय सञ्चार माध्यमका अनुसार सहायता केन्द्रलाई अमेरिकी निजी सुरक्षाकर्मीहरूले बन्द गरेपछि त्यहाँ भागदौड मच्चिएको थियो । गाजा मानवीय सहायता केन्द्रले मे महिनाको अन्त्यदेखि सहायता सामग्री वितरणको काम थालेको हो ।

त्यसयता लगभग प्रत्येक दिन सहायता लिन खोज्दा प्यालेस्टिनीहरूको मृत्युको खबरहरू आइरहेका छन् । धेरैजसो मानिसहरूको इजरायली सुरक्षाकर्मीहरूको गोली प्रहारबाट मृत्यु हुने गरेको छ ।

पछिल्लो ६ हप्तामा दक्षिण र मध्य गाजामा रहेका चारवटा सहायता केन्द्र वरिपरि ६७४ जनाको मृत्यु भएको संयुक्त राष्ट्र संघको मानवअधिकार कार्यालयले जनाएको छ ।