काठमाडौं । स्पेनिस क्लब बार्सिलोनाले लोनमा भित्रिएका म्यानचेस्टर युनाइटेडका फरवार्डलाई १४ नम्बर जर्सी दिएको छ ।

रासफोर्डका निम्ति युनाइटेडसँग लोन सम्झौता गरेको बार्सिलोनाले बुधबार इंग्लिस फरवार्डलाई आधिकारिकरूपमा सार्वजनिक गरेको थियो । जहाँ उनले १४ नम्बर जर्सी पाएका हुन् । बार्सिलोनाले एक सिजनका निम्ति लोन सम्झौता गरेको भए पनि स्थायी खेलाडी बनाउने विकल्प पनि राखेको छ ।

मिडिया रिर्पोटका अनुसार, बार्सिलोनाले २७ वर्षीय रासफोर्डको पारिश्रमिक बेहोर्नेछ । यस्तै, रासफोर्डले पनि बार्सिलोनासँगको लोन सम्झौताका निम्ति आफ्नो पारिश्रमिक घटाउन सहमति जनाएको स्पेनिस सञ्चारमाध्यमले खुलाएका छन् ।

युनाइटेडको सिनियर टिमबाट ४२६ खेल खेलेका रासफोर्डले १३८ गोल गरेका छन् ।