काठमाडौं । नेपाली कांग्रेसका संस्थापन पक्षीय केन्द्रीय सदस्यहरू अहिले नयाँ बानेश्वरमा छलफल गरिरहेका छन् ।

नेपाली काङ्ग्रेसभित्र देखिएको महाधिवेशनसम्बन्धी विवादबारे धारणा बनाउन भन्दै ६० बढी संस्थापन पक्षीय केन्द्रीय सदस्यहरू नयाँ बानेश्वरस्थित आनन्तभूमि पार्टी प्यालेसमा जम्मा भएका हुन् ।

बिहान १० बजेदेखि सुरु भएको बैठकमा केन्द्रीय सदस्यहरू सीता गुरुङ, कान्तिका सेजुवाल, नृप वड, उर्मिला नेपाल केसी, डा.रनबहादुर रावल, विद्या तिमिल्सिना, राधा घले, गुरु बराल, गोमाकुमारी भट्टराई, रमा कोइराला पौड्याल, सिता देवकोटा, शान्ति विक परियार, रुपा विकलगायत केन्द्रीय सदस्यहरू सहभागी छन् ।

शुक्रबारका लागि बोलाइएको केन्द्रीय समिति बैठक आइतबारका लागि सारिएपछि त्यसबारे पनि बैठकमा छलफल भइरहेको जनाइएको छ ।

कांग्रेसमा १५ औँ महाधिवेशन फागुन २१ गतेका लागि तोकिएको निर्वाचनअघि गर्ने कि पछि गर्ने भन्ने विवाद छ ।