पोखरा । नेपाली कांग्रेस मनाङले आगामी फागुन २१ गते हुने प्रतिनिधि सभा सदस्य निर्वाचनका लागि एकल उम्मेदवार सिफारिस गरेको छ ।

निवर्तमान सांसद तथा पूर्वमन्त्री टेकबहादुर गुरुङको नाम एकल रूपमा सिफारिस गरिएको जिल्ला सचिव सुरेन्द्र गुरुङले जानकारी दिए । गुरुङ पहिलो पटक २०७० को दोस्रो संविधानसभामा निर्वाचित भएका थिए ।

सोही समयमा श्रम तथा रोजगार राज्यमन्त्री बनेका उनी २०७४ मा एमालेसँग पराजित भए । २०७९ को निर्वाचनमा उनी पुनः निर्वाचित भएका हुन् ।