काठमाडौँ। नेपाली काँग्रेस दोलखाले आगामी फागुन २१ को निर्वाचनको लागि प्रतिनिधि सभा सदस्यका लागि ५ जनाको नाम सिफारिस गरेको छ।

५ जनाको नाम सर्वसम्मत केन्द्रमा पठाएको जिल्ला सभापति बर्मा लामाले बताए। उनका अनुसार पहिलो नम्बरमा पूर्वजिल्ला सभापति ताराबहादुर कोइराला, दोस्रोमा बागमती प्रदेश सदस्य कुन्दनराज काफ्ले, तेस्रोमा केन्द्रीय सदस्य अजयबाबु शिवाकोटीको नाम सिफारिस गरेको छ।

यस्तै, चौथो नम्बरमा प्रदेश समिति सदस्य प्रभुराम श्रेष्ठ र पाँचौँ नम्बरमा पूर्व महासमिति सदस्य विनीता अधिकारीको नाम सिफारिस गरेको उनले बताए। राष्ट्रियसभातर्फ जिल्ला सभापति बर्मा लामा र पूर्वसभापति रुद्रबहादुर खड्काको नाम सिफारिस गरिएको उनले बताए।

समानुपातिकतर्फ उद्धवराज काफ्ले, बर्मा लामा, बालकृष्ण थापा, रोचना उप्रेती, पासदिकी तामाङ, छिरिङडोल्मा शेर्पा, प्रतिभा उप्रेती र सुमिका तामाङको नाम सिफारिस गरेको उनले बताए।