काठमाडौं । काभ्रेपलाञ्चोक निर्वाचन क्षेत्र नम्बर १ मा पनि राष्ट्रिय स्वतन्त्र पार्टी(रास्वपा)का मधु कुमार चौलागाईँ विजयी भएका छन् । शनिबार राति सम्पन्न मतगणनाअनुसार उनी २९ हजार ६ सय १८ मतसहित विजयी भएका हुन् ।

यस्तै नेपाली कांग्रेसका गुणराज मुक्तानले १९ हजार १६६ मत ल्याए । नेपाली कम्युनिस्ट पार्टी(नेकपा)का दिनानाथ गौतमले १४ हजार १८४ मत ल्याए । नेकपा एमालेका अमि तामाङले १३ हजार ८१४ मत ल्याए ।

यसअघि काभ्रेपलाञ्चोक– २ मा ५३ हजार ३४४ मतसहित रास्वपाकै बदन कुमार भण्डारी निर्वाचित भएका थिए ।