काठमाडौं । नेपाल वायु सेवा निगमले आज राति ‘स्पेशल फ्लाइट’ अर्थात् विशेष उडान मार्फत दुबईको विमानस्थलमा रोकिएका यात्रुको उद्धार गर्ने जनाएको छ ।

निगमले आज सूचना निकालेर आज राति सवा ११ बजे वाइडबडी विमानबाट नेपालमा रोकिएका यात्रु दुबई लैजाने र दुबईबाट काठमाण्डौ आउनका लागि रोकिएका यात्रुलाई उद्धार गरी स्वदेश फिर्ता ल्याउने जानकारी गराएको हो ।

आज राती दुबई जाने विमान भोलि बिहान ४ बजेर १० मिनेटमा काठमाण्डौ फर्किने तालिकामा उल्लेख छ । इजरायल अमेरिका र इरान युद्ध सुरु भएपपछि रोकिएका यात्रुको उद्धारका लागि १२औँ दिनपछि पहिलोपटक निगमले दुबईमा विशेष उडान भर्न लागेको निगमका कार्यकारी निर्देशक अमृतमान श्रेष्ठले बताए ।

उनका अनुसार ‘पहिलो जो आउँछ उसैलाई पहिलो सेवा’ भन्ने मान्तयाका साथ यात्रुलाई प्राथमिकतामा राखिएको छ । उनले आज राति २ सय ८० जना यात्रु दुबई पुग्ने निगमले जनाएको छ । खासगरी दुबईमा उद्धारको पर्खाइमा रहेका यात्रुलाई स्वदेश ल्याउने उद्देश्यले स्पेशल फ्लाइटको व्यवस्था गरेको निगमका कार्यकारी निर्देशक अमृतमान श्रेष्ठले उल्लेख गरे ।