काठमाडौँ । लामो समयदेखि बिनास्विकृति कार्यालयमा अनुपस्थित रहँदै आएका स्वास्थ्य सेवाका २३ जना कर्मचारीहरूलाई स्वास्थ्य तथा खाद्य स्वच्छता मन्त्रालयले स्पष्टीकरण सोधेको छ। मन्त्रालयले एक सार्वजनिक सूचना जारी गर्दै डाक्टर, नर्स र ल्याब टेक्निसियनसहितका कर्मचारीहरूलाई सफाइ पेस गर्न १५ दिने अन्तिम अल्टिमेटम दिएको हो।

नेपाल स्वास्थ्य सेवा ऐन, २०५३ को दफा ७४ उपदफा (१) खण्ड (ज) बमोजिम व्यवस्थाअनुसार बिदा स्वीकृत नगराई लगातार ६० दिनभन्दा बढी समय कार्यालयमा अनुपस्थित देखिएपछि मन्त्रालयले उनीहरूमाथि कारबाही प्रक्रिया अघि बढाएको हो।