काठमाडौँ। इजरायलका दीर्घकालीन स्याहार केन्द्रमा गम्भीर अपांगता भएका जुनसुकै उमेरका व्यक्तिको स्याहारका लागि १ हजार ४ सय ६४ जना नेपाली सहायक कामदारका लागि आवेदन खुलेको छ। वैदेशिक रोजगार विभागले सूचना प्रकाशित गर्दै गम्भीर अपांगता भएका व्यक्तिहरूको स्याहारका लागि कामदार माग गरिएको जनाएको छ।

इच्छुकले भदौ २३ गते राति १२ बजेदेखि असोज २६ गते राति ११ बजेर ५९ मिनेटसम्म अनलाइनमार्फत आवेदन दिन सक्नेछन्। विभागका अनुसार कुल माग संख्यामध्ये १ हजार १३२ जना महिला र ३३२ जना पुरुष रहेका छन्।