काठमाडौं । आईसीसी विश्व क्रिकेट लिग–२ मा नेपाल क्यानडाविरुद्ध रोहित पौडेलले शतक प्रहार गरेपछि नेपालले २३६ रनको लक्ष्य दिएको छ ।

ओमानको अलअमिरातमा जारी खेलमा क्यानडाले टस जितेर बलिङ रोजेपछि पहिले ब्याटिङ गरेको नेपालका लागि चौथोक्रममा ब्याटिङ गर्न आएका रोहितले शतक बनाएका हुन् ।

रोहितले १२७ बलमा १०१ रन बनाए । गुल्सन झाले ३४ बलमा ४८ रनको आक्रामक पारी खेले । बसिर अहमदले ३० र अर्जुन कुमालले २३ रन जोड्न सके । लिगको तालिकामा पुछारमा पर्नबाट जित्नैपर्ने दबाबमा नेपाल छ । पूरै ५० ओभर १० विकेट नै गुमाएर नेपालले २३५ रन जोड्यो ।