काठमाडौं । “एनआईबिएल म्युचुअल फण्ड” अन्तर्गत संचालन हुने पाँचौ योजना “एनआईबिएल ग्रोथ फण्ड” पौष ७, २०७९ बाट सार्वजनिक निष्काशनमा रहेको छ । योजनाको सार्वजनिक निष्काशन पौष २१ गते सम्म रहनेछ । यस अघि निश्कासित अन्य समुहिक लगानी कोष योजनाहरुको तुलनामा यस योजनामा लगानीकर्ताहरु उत्साहपूर्वक सहभागिता बढदै गईरहेको र शेयर बजारमा आएका सिथिलताका बाबजुद सार्वजनिक निष्काशनका चौथो कार्यदिन दिन सम्ममा यस योजनाको कुल १६ करोड इकाइ मध्य ५० प्रतिशत भन्दा बढी, ८.६३ करोड इकाइका लगी आवेदन प्राप्त भईसकेको छ । यस योजनामा लगानीकर्ताहरूले न्यूनतम १०० र अधिकतम १ करोड ६० लाख इकाईका लागि आवेदन दिन सक्नेछन् ।

इच्छुक लगानीकर्ताहरुले (व्यक्ति तथा संस्था) यस योजनामा न्यूनतम रु. १ हजार देखि अधिकतम रु. १६ करोड सम्म लगानी गन सक्नेछन । लगानीकर्ताहरुले आफनो सी–आश्वा खाता रहेका बैंक वा मेरा शेयरमा लगईन (Login) गरी अनलाईन आवेदन दिन सक्नेछन् । योजनाका विवरण पुस्तिका एनआईबिएल एस क्यापिटल लि.का वेव साईट (www.niblcapital.com) तथा नेपाल धितोपत्र बोर्डका वेव साईट (www.sebon.gov.np) मा समेत राखिएको छ ।

यस योजनाको समयावधि १० वर्षको रहेको छ र यो हाल सम्मकै सबैभन्दा ठुलो म्युचुअल फण्ड योजनाको सार्वजनिक निष्काशन समेत रहेको छ । योजनाको अवधि भर यस योजनाले बार्षिक प्रतिफल (Effective Annual Return) को रुपमा २०.२५ प्रतिशत प्रतिफल आफ्ना इकाईधनीहरुलाइ दिन सक्न प्रक्षेपण समेत गरेको छ