सुर्खेत । दैलेखको महाबु गाउँपालिकाका अध्यक्ष लक्ष्मण गुरुङको निधन भएको छ । शुक्रबार दिउँसो करिब १२ बजे अध्यक्ष गुरुङको निधन भएको हो ।

जिल्ला प्रहरी कार्यालय दैलेखका अनुसार अध्यक्ष गुरुङको उपचारको क्रममा जिल्ला अस्पताल दैलेखमा निधन भएको हो ।प्रहरीका अनुसार जिल्ला प्रशासन कार्यालयमा काम लागि जाने क्रममा एक्कासि स्वास्थ्यमा समस्या देखिएपछि उनलाई उपचारको लागि जिल्ला अस्पतालमा लगिएको थियो ।

७९ वर्षीया गुरुङ उच्चरक्तचापको कारण मृत्यु भएको अस्पतालको भनाइ छ । गत वैशाखमा सम्पन्न स्थानीय तहको चुनावमा गुरुङ कांग्रेसबाट गाउँपालिका अध्यक्षमा निर्वाचित भएका थिए ।