काठमाडौं । एएफसी कप छनोटको प्रारम्भिक चरणमा मछिन्द्रले आई लिग क्लब माेहन बगानसंगकाे भेट पक्का गरेकाे छ ।

दशरथ रंगशालामा प्रारम्भिक चरणकाे खेलमा भुटानकाे पाराे एफसीलाई ३-२ गाेल अन्तरले हराउँदै मछिन्द्रले आगामी अगष्ट १६ मा हुने माेहन बगानसंगकाे भेट पक्का गरेकाे हाे ।

खेलको सातौं मिनेटमा नै पछि परेको अवस्थलाई उल्टाउँदै खेलमा मछिन्द्र विजयी भयो । ७औं मिनेटमा पारोका काजुओ होम्माले प्रहार गरेको बल गोलकिपर विशाल श्रेष्ठलाई लाग्दै गोल भएको थियो ।

तर त्यसको ५ मिनेटपछि नै विमल घर्ती मगरले बराबरी गोल फर्काए । एरिक विष्टको छोटो कर्नर पास र आयुष घलानको क्रसमा विमलले हेडमार्फत गोल गरेका थिए ।

त्यसपछि १५ ‍औं मिनेटमा घलानले नै गोल गरेर मछिन्द्रलाई अग्रता दिलाएका हुन् ।

३९ मिनेटमा ओलावाले आफिजले गाेल गरेपछि मछिन्द्रले ३-१ काे अग्रता बनायो । ओमालाजा करिमकाे पासमा ओलावालेले गाेल गरे र टिमलाई ३-१ को अग्रता दिलाए । दोस्रो हाफमा पारोले १ गोल थपे पनि त्यो जितका लागि पर्याप्त भएन र मछिन्द्र ३-२ ले विजयी भयो ।

विजेता मछिन्द्रले अब १६ अगष्टमा भारतको इन्डियन सुपर लिग खेल्ने मोहन बगानसँग कोलकतामा खेल्ने छ ।

यो खेलको विजेताले बंगलादेशको ढाका अबहानी र माल्दिभ्सको क्लब इगल्स बीचको विजेतासँग अगष्ट २२ मा खेल्ने छ ।