बारा । बाराको जितपुरसिमरा उप–महानगरपालिका-१६ टागियाबस्तीमा आफ्नै ९० वर्षिय बाबुको हत्या गरेको आरोपमा छोरा पक्राउ परेका छन् ।

ईलाका प्रहरी कार्यालय निजगढको टोलीले ९० वर्षिय माईत सिं घलानलाई हत्या गरेको आरोपमा आफ्नै ६० वर्षिय छोरा दिलबहादुर घलानलाई प्रहरीले पक्राउ गरेको हो ।

घरायासी विवादको कारणले छोराले आफ्नै बाबुको हत्या भएको ईलाका प्रहरी कार्यलय निजगढका प्रहरी निरीक्षक घनश्याम श्रेष्ठले जानकारी दिए । ६० वर्षीय घलान मादक पदार्थ सेवन गरेको र सोही कारणले घटना गराएको हुन सक्ने प्रहरीले अनुमान गरेको छ ।

मृतकको शव पोस्टमार्टमको लागि प्रादेशिक अस्पताल कलैया पठाइको र हत्या गर्ने छोरालाई हाल ईलाका प्रहरी कार्यालय निजगढमा थप अनुसन्धानको लागि राखिएको छ ।