वासिंगटन डिसी । डोनाल्ड ट्रम्पको चुनावी अभियानले  उनको ‘मगसट’ (अनुहारको तस्बिर) प्रिन्ट गरेर ७.१ मिलियन डलर उठाएको छ ।

बिहीबार जर्जियाको एटलान्टाको जेलमा उनको पुलिसले ‘मगसट’ लिएपछि त्यो तस्विर बिभिन्न बस्तुमा प्रिन्ट गरी बिक्री गरेर सो बराबर पैसा उठाएको हो ।  

पूर्व राष्ट्रपति ट्रम्प रिसाएको अनुहार भएको ‘मगसट’लाई कफी पट, टी–सर्ट, पेय सामाग्री कुलर जस्ता व्यापारिक सामानहरूमा प्रिन्ट गरेर बजारमा लगिएको थियो । 

प्रहरीले त्यो बेला लिएको मगसटलाई ट्रम्पका चुनावी अभियानले आर्थिक संकलनको माध्यम बनाएका छन् ।