काठमाडौं । नेपाली कांग्रेस ओखलढुंगाका नेता डिल्लीराम खनालको शनिबार राति १०:३० बजे निधन भएको छ । अर्बुद रोगबाट पीडित ७२ वर्षीय खनालको उपचारको क्रममा शिक्षण अस्पताल महाराजगन्ज काठमाडौंमा निधन भएको पारिवारिक सदस्यले जानकारी दिए ।

खनाल जिल्ला समन्वय समिति ओखलढुंगाका प्रमुख हुन् । नेपाली काङ्ग्रेस जिल्ला कार्यसमिति ओखलढुंगाका पूर्व कोषाध्यक्ष, पूर्व उपसभापति, पूर्व महासमिति सदस्य तथा नेपाली काङ्ग्रेस ओखलढुंगाका अभिभावकका रुपमा नेता खनाल परिचित छन् ।

उनकाे पार्थिव शरिर आज आइतबार बिहान पशुपति आर्यघाटमा बैदिक परम्परा अनुसार अन्त्यष्टि गरिने खनालको परिवारले जानकारी दिएको छ ।