काठमाडौं । आइसिसी टी-२० विश्वकप छनोटमा नेपालले मलेसियाविरूद्ध दोस्रो विकेट लिएको छ ।

कीर्तिपुरस्थित त्रिवि मैदानमा हुने खेलमा टस जितेको मलेसियाविरुद्ध नेपालले पावर प्ले सकिनु दुई बलअघि पहिलो विकेट लिन सफल भएको थियो। नेपालका अभिनास बोहराले जुबइदीलाई २४ रनमा क्याच आउट गरे ।

अर्को ‌ओभरमा नेपालले अहमद फाइजलाई ३ रनमा रनआउट गर्न सफल भयो। सन्दीप जोराको शानदार फिल्डिङबीच विकेटकिपर आसिफ शेखले रनआउट गरेका थिए ।

मलेसियाले पावरप्ले (६ ओभर) मा १ विकेटको क्षतिमा ६० रन जोड्न सफल भयो ।

समूह ‘ए’ मा रहेको नेपालले सोमबार भएको पहिलो खेलमा सिंगापुरलाई ८ विकेटले पराजित गरेको थियो । नेपालले आजको खेल जिते नेपाल सेमिफाइनल पुग्नेछ ।